-
حرب كلامية تشتعل بين نادين نجيم وديما صادق بسبب كلمة "زبال"!
اشتعلت حرب كلامية بين الإعلامية اللبنانية ديما صادق والممثلة نادين نسيب نجيم، بسبب استخدام الأخيرة كلمة "زبّال" في ردّها على أحد منتقدي حديثها عن الزلزال الذي شعرت به في لبنان.
وفي التفاصيل كتبت نادين عبر حسابها الرسمي على تويتر: "هزّة أرضية هلئ صرلي من مبارح عم حس إنه في شي غريب وما نمت مبارح بالليل"، فعلّق مغرّد: "شوفي شو عم تاكلي بالليل قبل ما تنامي؟"، فأجابته نجيم: "زبّال".
اقرأ المزيد: وفاة الفنان شادي زيدان عن عمر ناهز 48 عاماً
وأعادت الإعلامية ديما نشر رد نادين وعلّقت عليها قائلةً: "ولو؟ ولو؟! ممثلة لبنانية بتستعمل مهنة (الزبال) كشتيمة؟! شي مخزي جداً إنه يكون مستوى الوعي والإنسانية والشعور والثقافة متدني لهذه الدرجة عند أشخاص بيأثروا بملايين المعجبين. طبعاً من المسلَّمات إنه ما في شي مهين بأي مهنة، المهين للجنس البشري إنه يكون في ناس يفكروا بهالطريقة".
ودفع هجوم صادق على نجيم الأخيرة إلى الردّ عليها كاتبة: "حبيبتي ديما إنت معوّدة على المسبّات والشتايم بتحسّي حالك عندك قيمة، أنا ما معوّدة راسي ما بيحملني هيك اتربيت خاصة إذا حدا اتطاول عليي بشكل كتير بشع. والزبّال هو يلي بيكب وسخه وين ما كان ونفسيته وسخة. يلي بينظف ما اسمه زبّال وما بعيّطله زبّال لأن بكون عم بجرّحه، هيك علّموني بالمدرسة".
وردت صادق عليها: "نادين، أنا لما إختار رد عادة بختار مستوى معين من الناس بيستاهلو الرد. عندي مستوى معين ما بنزل عنه. أنا الناس اللي بتفتكر إنه كلمة ومهنة زبّال هي كلمة مهينة فهول ناس أكيد ما بنزل لمستوى الرد عليهن لسبب إنه حتى لو ردّيت مستواهم الفكري والثقافي ما بخوّلهم يفهمو الجواب، متل ما واضح من ردّك".
اقرأ المزيد: حلا شيحة تثير الجدل من جديد حول خلعها للحجاب وانفصالها عن زوجها (صور)
وتابعت: "فلهيك ما تتعبي حالك وتردّي ع هل تويت لأني ما حردّ، وفّري ع حالك هالإحراج، أحسن ما يقولو: "ما تعّبت حالها تنزل لمستواها وتردّ عليها".
قد تحب أيضا
كاريكاتير
من وحي الساحات في سوريا
- December 19, 2024
من وحي الساحات في سوريا
ليفانت-خاص
